Bwana Uwizeyimana, Umuyobozi w'Akarere Wungirije, yasuye abaturage b'Umurenge wa Musasa.

Uyu munsi tariki ya 15 Ukuboza 2023, Umuyobozi w'Akarere Wungirije Ushinzwe Iterambere ry'Ubukungu Bwana Uwizeyimana Emmanuel yasuye abaturage b'Umurenge wa Musasa mu rwego rwo kumenya no gukemura ibibazo by'abaturage.

Bwana Uwizeyimana yabanje kugirana inama n'abayobozi batandukanye barimo:
1) abakozi Bose b'akagali n'umurenge
2)Nyobozi y'umudugudu (Bose)
3) abajyanama bubuzima
4) abahagarariye amakoperative
5) abajyanama b'umurenge Bose
6) abajyanama butugali Bose
7)abayobozi bamadini
8) tutilaire Musasa Heath center
9)Manager wa sacco
10) abavuga rikumvikana
11)abayobozi b'inganda
12) President wa PSF

Bwana Uwizeyimana yasabye aba bayobozi gukemura ibibazo by'abaturage hakiri Kare batarindiriye ko abaturage bacuragira kugera ku rwego rw'Akarere. Ati: "Abayobozi twahawe inshingano ngo dukorere abaturage. Intumbero yacu ni uko umuturage wacu wa Rutsiro atera imbere."

Bwana Uwizeyimana yashishikarije abayobozi gukomeza gushyira imbaraga mu gukangurira abaturage gutanga umusanzu w'Ubwisungane mu kwivuza MUSA, kwizigamira muri Ejo Heza, gahunda y'Igihugu igamijeko abaturage bagira amasaziro meza badasabiriza, 

Bwana Uwizeyimana Emmanuel yaganiriye n'abaturage b'Umurenge wa Musasa, Akagari ka Nyarubuye kuri gahunda za Leta zirimo Isuku, Ejo Heza, gufatira amafunguro ku ishuri, kurwanya igwingira, kurwanya amakimbirane yo mu ngo, ubwisungane mu kwivuza, ... Abaturage basabwe kuzitabira uko bikwiye bakagira uruhare mu gufasha Akarere kwesa imihigo.

Nyuma yo kuganira n'abaturage, Vice Mayor Emmanuel afatanyije n'abandi bayobozi, ari kwakira, gukemura, no gutanga ubujyanama ku bibazo bitandukanye by'abaturage.

Asoza inama, Bwana Uwizeyimana yasabye abayobozi guha umwanya abaturage bakabatega amatwi bakabafasha kwikemurira ibibazo. Yasabye kandi abaturage kumvira ibyo ubuyobozi bubasaba bigamije guteza imbere gahunda za leta. Ati: "abaturage n'abayobozi dukwiye kubana neza." Bwana Uwizeyimana yijeje abaturage ko ubuyobozi buzabahora hafi bugafatanya n'abaturage gukemura ibibazo Akarere kakagera ku iterambere kifuza.

"Tugire Rutsiro ikeye kandi itekanye ubundi twiteze imbere!"