Gutangiza gahunda yo Kwibuka ku nshuro ya 24 mu karere ka Rutsiro.
Kuri uyu wa Gatandatu tariki 07 Mata 2018 mu Karere ka Rutsiro hatangijwe icyumweru cy'icyunamo.
Ku rwego rw'Akarere, umuhango wo kugitangiza webere mu Murenge wa Musasa, Akagari ka Gabiro, Umudugudu wa Gabiro.
Abashyitsi bitafatanyije n'abaturage b'Akarere ka Rutsiro ni Umunyamabanga wa Leta Ushinzwe Iterambere ry'abaturage Cyriaque Harelimana na Hon. Sen. Mukankusi Peline. Mu bandi bayobozi bitabiriye uyu muhango ni Umuyobozi w'Akarere ka Rutsiro Ayinkamiye Emérence, Umuyobozi wungirije w'ingabo mu turere twa Rutsiro, Ngororero na Karongi Col. Emmanuel Rugazora, Umuyobozi w'Akarere Wungirije Ushinzwe Imibereho Myiza y'Abaturage Butasi Jean Herman, Umunyamabanga Nshingwabikorwa w'Akarere ka Rutsiro Niyonzima Tharcisse, n'Umunyamabanga w'inama Njyanama y'Akarere Uwamahoro Agnès.
Intumwa za rubanda kandi zaje gufata abaturage b'Akarere ka Rutsiro mu mugongo mu mirenge ya Gihango na Mushubati. Uyu munsi watangijwe n'igikorwa cyo guhsyira indabo ku Rwibutso rw'Umurenge wa Musasa rushyinguyemo imibiri isaga 3000 ndetse n'urugendo rwo kwibuka inzirakarengane zazize Jenoside yakorewe Abatutsi mu 1994.
Mu ijambo rye Hon. Sen Peline Mukankusi yasobanuriye abaturage itandukaniro riri hagati ya Jenoside yakorewe Abatutsi yo 1994, Ibyaha by'intambara n'andi mazina yose abashaka gupfobya Jenoside yakorewe Abatutsi mu 1994 bakoresha. Yagize ati:"Jenoside irategurwa, igaterwa inkunga ndetse ikagirwamo uruhare n'ubuyobozi buriho. Ibyo ni ko byagenze mu 1994." Yakomeje avuga ko kugira ngo Jenoside ishoboke mu Rwanda, Guverinoma yariho yabibye umutima wa kinyamaswa mu banyarwanda bikarangira umuvandimwe yivuganye uwundi. Jenoside ni icyaha cy'indengakamere. Abakora Jenoside baba bashaka guhora bareba ukuntu babyitiranya n'ibindi. Ni yo mpamvu tugomba guhora twibuka, twiga tukamenya Jenoside icyo ari cyo.
Dukwiye kubaka urubyiruko ruzira ikibi. Ariko agagaraza ko hari ikizere cyuko Jenoside itazongera kubaho ukundi aho yagize ati: "Umutima w'ubumuntu twumva ko washibutse mu banyarwanda uzatuma Jenoside itazongera kubaho ukundi. Tugomba gukomeza kubaka umunyarwanda uzira ubujyahabi. u Rwanda ruzira amacakubiri, amakimbirane, ruzira Jenoside ni rwo twifuza".
Mu ijambo rye, Umunyabanga wa Leta Ushinzwe iterambere ry'Abaturage, Cyriaque Harelimana, yavuze ko hakiri urugamba rwo kumenya aho imibiri itarashyingurwa mu cyubahiro iherereye. Aboneraho asaba abaturage kugira uruhare bagaragaza aho iyo mibiri iherereye kugira ngo ishyingurwe mu cyubahiro. Yanasabye kandi gukomeza guhora hafi abacitse ku icumu rya Jenoside bakumva ko atari bonyine anasaba abayobozi kugenzura ko gahunda zibagenerwa zikorwa neza. Yagize ati: "Kubakira Uwarokotse Jenoside inzu y'ibyondo bwacya igahirima ni ukumwica kabiri". Gahunda yasojwe hacanwa Urumuri rw'Icyizere, igikorwa kibera mu murenge wa Kivumu.
Back
Ku rwego rw'Akarere, umuhango wo kugitangiza webere mu Murenge wa Musasa, Akagari ka Gabiro, Umudugudu wa Gabiro.
Abashyitsi bitafatanyije n'abaturage b'Akarere ka Rutsiro ni Umunyamabanga wa Leta Ushinzwe Iterambere ry'abaturage Cyriaque Harelimana na Hon. Sen. Mukankusi Peline. Mu bandi bayobozi bitabiriye uyu muhango ni Umuyobozi w'Akarere ka Rutsiro Ayinkamiye Emérence, Umuyobozi wungirije w'ingabo mu turere twa Rutsiro, Ngororero na Karongi Col. Emmanuel Rugazora, Umuyobozi w'Akarere Wungirije Ushinzwe Imibereho Myiza y'Abaturage Butasi Jean Herman, Umunyamabanga Nshingwabikorwa w'Akarere ka Rutsiro Niyonzima Tharcisse, n'Umunyamabanga w'inama Njyanama y'Akarere Uwamahoro Agnès.
Intumwa za rubanda kandi zaje gufata abaturage b'Akarere ka Rutsiro mu mugongo mu mirenge ya Gihango na Mushubati. Uyu munsi watangijwe n'igikorwa cyo guhsyira indabo ku Rwibutso rw'Umurenge wa Musasa rushyinguyemo imibiri isaga 3000 ndetse n'urugendo rwo kwibuka inzirakarengane zazize Jenoside yakorewe Abatutsi mu 1994.
Mu ijambo rye Hon. Sen Peline Mukankusi yasobanuriye abaturage itandukaniro riri hagati ya Jenoside yakorewe Abatutsi yo 1994, Ibyaha by'intambara n'andi mazina yose abashaka gupfobya Jenoside yakorewe Abatutsi mu 1994 bakoresha. Yagize ati:"Jenoside irategurwa, igaterwa inkunga ndetse ikagirwamo uruhare n'ubuyobozi buriho. Ibyo ni ko byagenze mu 1994." Yakomeje avuga ko kugira ngo Jenoside ishoboke mu Rwanda, Guverinoma yariho yabibye umutima wa kinyamaswa mu banyarwanda bikarangira umuvandimwe yivuganye uwundi. Jenoside ni icyaha cy'indengakamere. Abakora Jenoside baba bashaka guhora bareba ukuntu babyitiranya n'ibindi. Ni yo mpamvu tugomba guhora twibuka, twiga tukamenya Jenoside icyo ari cyo.
Dukwiye kubaka urubyiruko ruzira ikibi. Ariko agagaraza ko hari ikizere cyuko Jenoside itazongera kubaho ukundi aho yagize ati: "Umutima w'ubumuntu twumva ko washibutse mu banyarwanda uzatuma Jenoside itazongera kubaho ukundi. Tugomba gukomeza kubaka umunyarwanda uzira ubujyahabi. u Rwanda ruzira amacakubiri, amakimbirane, ruzira Jenoside ni rwo twifuza".
Mu ijambo rye, Umunyabanga wa Leta Ushinzwe iterambere ry'Abaturage, Cyriaque Harelimana, yavuze ko hakiri urugamba rwo kumenya aho imibiri itarashyingurwa mu cyubahiro iherereye. Aboneraho asaba abaturage kugira uruhare bagaragaza aho iyo mibiri iherereye kugira ngo ishyingurwe mu cyubahiro. Yanasabye kandi gukomeza guhora hafi abacitse ku icumu rya Jenoside bakumva ko atari bonyine anasaba abayobozi kugenzura ko gahunda zibagenerwa zikorwa neza. Yagize ati: "Kubakira Uwarokotse Jenoside inzu y'ibyondo bwacya igahirima ni ukumwica kabiri". Gahunda yasojwe hacanwa Urumuri rw'Icyizere, igikorwa kibera mu murenge wa Kivumu.