Uyu munsi, ku bufatanye na World Vision, imiryango 824 yo mu murenge wa Gihango yafashishijwe ibikoresho by’isuku mu guhangana na Covid 19. Ibyatanzwe ni amasabune bari 8240, indobo nini 824, amabasi 1648 n’amajerikani 1648. Biteganyijwe ko mu cyumweru gitaha iyi miryango izahabwa kandagira ukarabe 1 n’udupfukamuna 10 kuri buri muryango.

Mbere yo gutanga ibi bikoresho, abagize imiryango babanje kongera gukangurirwa kwirinda icyorezo cya covid 19 bagira isuku ndetse banibutswa gufata ibikoresho bahawe neza bikabageza ku ntego igambiriwe. Bashishikarijwe kandi kwitabira igikorwa cyo gukingira abatarafata urukingo bakihutira ku rufata no kubshishikariza abandi aho batuye.

Ibi byose bakaba babihawe mu rwego rwo  gukomeza gufasha imiryango ikennye kwivana mu bukene no kurengera abana. Abahawe ibi bikoresho bakaba bahize umuhigo wo guca ukubiri n’ubukene ndetse n’ihohotera rikorerwa abana bikomotse ku kibazo cy’ubukene.