Uyu munsi tariki ya 25 Nzeri 2025, Komisiyo ya Politiki n'Imiyoborere ya Sena y’U Rwanda, yagiriye uruzinduko mu Karere ka Rutsiro mu rwego rwo kugenzura uruhare rw'ihame ry'uburinganire mu iterambere ry'umuryango. Abanenateri Hon. Uwera Pelagie na Hon. Havugimana Emmanuel, baherekejwe n'Umuyobozi w'Akarere, Madamu Kayitesi Dative, basuye Umurenge wa Murunda aho bahuye n'ibyiciro bitandukanye by'abaturage.

Mu nama abasenateri bagiranye n’abahagarariye ibyiciro binyuranye mu murenge wa Murunda, abasenateri basabye abana b'abakobwa "kwiga kwizigamira" kugira ngo bizagere igihe batangiza imiryango yabo babasha kuyishimira. Bafashijwe na Madamu Kayitesi, umwe mu baturage, yasabye ko hakongerwa imbaraga mu gusobanurira abaturage Itegeko rigenga umuryango, n’akamaro karyo mu kurandura amakimbirane mu miryango.

Nyuma yo kuganira n'ibyiciro by'abaturage, abasenateri basuye koperative y'ababoshyi b'ibirere ba Murunda. Aha, bashimye uburyo uburinganire bwimakazwa mu banyamuryango, aho abagore n'abagabo bakorera hamwe mu gukora ibikoresho n'imitako bitandukanye.

Mu ruzinduko rwabo , abasenateri basuye imiryango yo mu rurenge rwa Murunda, nk'umuryango wa Nsengimana Paul na Nyiransabimana Jacqueline, aho basobanuriwe akamaro ko gukorera hamwe mu bwubahane n’ubufashanye nk’umuryango. 

Basuyye kandi umuryango wa Uwimana Balthazar na Muhawenimana Marcienne, ushimirwa nk'"umuryango w'ikitegererezo" mu kubana neza nta makimbirane. Abo baturanyi basobanuye ko bajya inama kuri buri kiganiro cyerekeranye n'iterambere ry'urugo, icyitegererezo cyo gufatanya mu gukemura ibibazo.

Inama ku baturage: "Umuryango uhuza n'iterambere"

Hon. Uwera Pelagie mu nama bagiranye n’abaturage mu Kagari ka Rugeyo, yibukije abagore ko badakwiye gufata ihame ry’uburinganire nk’ urwitwazo rwo "gutuma baba indakoreka mu ngo kubera kuryumva nabi". Yagize ati: "Ugasanga umugore yigize intakoreka, akarara mu kabari yataha, akabwira umugabo ngo 'nkoraho nkwereke'."

Yongeyeho gushishikariza abaturage kujyana abana bose ku ishuri, ndetse anerekana uruhare rw'abakobwa mu gukora bakiteza imbere. "Mukore kugira ngo mwubake igihugu, muzabashe gutunga ingo zanyu mumeze neza,". Yanavuze ko "Intandaro y'amakimbirane akenshi mu miryango ikomoka ku mitungo,".

Uru rugendo rw'abasenateri mu Karere ka Rutsiro rwerekana uruhare rw'ihame ry’uburinganire mu guhuza umuryango n'iterambere, hakoreshejwe ingamba zo kuganira n'abaturage, gusura imiryango, no gushyigikira koperative zitandukanye n'imiryango.

Akarere ka Rutsiro kazakomeza gukurikiza inama za Sena mu guhuza imbaraga zo gukemura ibibazo biri mu miryango, bikaba isomo ry'icyitegererezo mu guhuza uburinganire n'iterambere ry'umuryango w'Umunyarwanda.