Kuri uyu wa 07/08/2022 Umuyobozi w'Akarere ka Rutsiro Mme MUREKATETE Triphose yitabiriye ibirori ngarukamwaka by'urugendo nyobokamana rw'urubyiruko rwa Diyoseze ya Nyundo, byabereye kuri Paruwasi Gatulika ya Crete Congo Nil mu Karere ka Rutsiro. Urubyiruko rwitabiriye rugera ku 15,000 rukaba rwaturutse mu ma Paruwasi 28 agize Diyosezi ya Nyundo mu turere twa Rutsiro, Rubavu, Nyabihu, Ngororero na Karongi. Insanganyamatsiko yagiraga iti " Haguruka   kuko nkugize umuhamya w'ibyo wabonye."

Ibirori byabimburiwe n'Igitambo cya Misa cyatuwe na Nyiricyubahiro Musenyeri Anaclet MWUMVANEZA, Umushumba wa Diyosezi Gatulika ya Nyundo.

Ubutumwa bunyuranye bwatanzwe bwibanze ku gukangurira urubyiruko kurangwa n'indangagaciro z'umukristu nyawe ari na we munyarwanda twifuza:

-Kwitabira isengesho hamwe n'umurimo unoze bagana ibigo by'imari

- Kwitabira ibigo byigisha ubumenyingiro no guhora biyungura ubumenyi

- Kwirinda ibiyobyawenge

- Kwirinda inda z'imburagihe.

Umuyobozi w'Akarere yasabye buri wese witabiriye kwegera urubyiruko, cyane cyane muri ibi bihe by'ibiruhuko ndetse asaba n'ababyeyi kugaruka ku muco wo kuganiriza abana.

UKURUSHA, URUBYIRUKO AKURUSHA ITERAMBERE