Kuva tariki 13 kugeza  ku ya 15 Nzeri  2022, Ubuyobozi bw’Akarere ka Rutsiro bufatanyije n’abafatanyabikorwa  bako bibumbiye muri JADF-KOMEZIMIHIGO bateguye imurikabikorwa  ryitabirwa n’abafanyabikorwa  51.

Nk’uko Umuyobozi w’Akarere ka Rutsiro yabigaragaje, Madamu Murekatete Triphose yasobanuye ko imurikabikorwa ritegurwa ku mpamvu zitandukanye zirimo guhuza abafite ibikorwa n’ababikeneye, kungurana ibitekerezo ku baryitabiriye hagamije kwteza imbere mu mirimo yabo, guha umwanya abashaka gutangira imishinga kubona abo bigiraho no kwakira ibibazo bitandukanye by’abaturage biba bitaraakemukiye ku nzego z’ibanze.

Abatanayabikorwa bakaba baraturutse mu mirenge 13 igize Akarere ka Rutsiro bakora mu byiciro by’ubuhinzi ngengabukungu, ngandurarugo, ubukorikorikori, serivisi zitandukanye, ’inganda n'ibindi.

Madamu Murekatete akaba yarashimiye abafatanyabikorwa b’akarere ka Rutsiro, abayobozi ku nzego zinyuranye n’abaturage ku ruhare rwa buri wese ku gutuma  Open Day igerwaho.

Open day ikaba yarabaye umwanya mwiza ku baturage aho hari byinshi byagaragaye muri Open Day ariko abaturage bakaba batari bazi ko bikabarizwamo.

Umuyobozi wa JADF KOMEZIMIHIGO akaba yarijeje ubuyobozi bw’Akarere ko JADF ahagarariye izakomeza gukora uko bishoboka mu gufashaa akarere mu rugamba rw’Iterambere bugamije guhindura imibereho y'Umuturage.

Asoza, Madamu Murekatete Triphose yagaragaje ko uburyo bwose bwo gutera imbere buhari ko igisigaye ari ubushake anasaba abafatanyabikorwa kugera ikirenge mu cyo Umukuru w’Igihugu bahoza umuturage ku isonga, bakibuka ko imvugo ari yo ngiro bityo ibyo basezeranyije umuturage bakabimukorera uko bikwiye.