Nyuma y’uko mu mpera za Mutarama 2022, urubyiruko rwashoje amasomo yarwo mu bigo ngororamuco , uyu munsi tariki ya 2 Gashyantare 2022 habaye inama mu mu cyumba cy’inama cy’akarere ka Rutsiro.

Iyi nama ikaba yabaye mu rwego rwo guhuza ubuyobozi, ababyeyi n’urubyiruko baherutse kurangiza amasomo y’igororamuco mu bigo bya iwawa na Nyamagabe hagamije kurebera hamwe no gufata ingamba zo kubinjiza mu buzima busanwe nta ngorane.

Iyi nama yayobowe n’Umuyobozi w’Akarere Wungirije Ushinzwe Imibereho myiza y’Abaturage Madamu Musabyemariya Mari Chantal.

Mu ngamba zafashwe, harimo izi zikurikira:

1. Ababyeyi biyemeje gufasha ubuyobozi mu gusubiza mu buzima busanzw uru rubyiruko no gutanga amakaru ku myitwarire ku bo bakiriye umunsi ku munsi;

1. Kuvugurura imikorere ya Komite ishinzwe gusubiza mu buzima busanzwe urubyiruko rusoza amasomo yarwo mu bigo ngororamuco

1.  Kuvugurura imikorere y’ihuriro ry’urubyiruko rwarangije amasomo yarwo mu bigo ngorora muco

Urubyiuko ruherutse gusoza amasomo yarwo muri ibi bigo byombi bakomoka mu karere ka Rutsiro akaba ari 26. Madamu Musabyemariya akaba yabasabye kugaragaza ko bahindutse kugira ngo umuryango nyarwanda barimo urusheho kubagirira ikizere no kubibonamo.