Uyu munsi mu Karere ka Rutsiro uruzinduko rw'abadepite bayobowe na Hon.Mukabikino Jeanne Henriette rwakomeje.

Aba badepite bari mu matsinda 3 yasuye imirenge ya Mushonyi, Murunda na Boneza.

Basuye ibikorwa bitandukanye bigamije gukura abaturage mu bukene nyuma baganiriza n'abaturage b'iyo mirenge. Mu bikorwa byasuwe harimo:

Umurenge wa Boneza: Abadepite basuye ibikorwa bitandukanye harimo Ikigo Nderabuzima  cya Kinunu, Centre ya Shusho, Umurenge Sacco n'umuturage wafashijwe na BDF mu kwiteza imbere nyuma baganira n'abaturage bakira n'ibibazo byabo.

Umurenge wa Murunda: nyuma yo gusura ibikorwa binyuranye birimo Umurenge Sacco Indashyikirwa za Murunda, Poste secondaire ikorerwaho gahunda zo kuringaniza urubyaro, Centre Mburamazi, centre de Sante Murunda n'ibitaro bya Murunda, Abadepite baganirije'abaturage muri centre ya Mburamazi.

Umurenge wa Mushonyi: abadepite basuye centre za Mashanya na Nkomero, Ikigo mbonezamikurire cy'Umucyo, Ikigo nderabuzima cya Biruyi, Ibiraro by'amatungo by'urubyiruko n'amazi n'uko agera ku baturage. Nyuma yo gusura ibikorwa bagirana inama n'abaturage baganira kuri gahunda za leta zitandukanye.

Muri rusange, ibiganiro byatangiwe mu nama zahuje abadepite n'abaturage, abaturage bakanguriwe gukomeza kugira umuco w'isuku, kuboneza urubyaro, kurwanya imirire mibi no gukumira no kurwanya amakimbirane mu muryango.