Uyu munsi tariki ya 13/02/2019 mu Karere ka Rutsiro uruzinduko rw'abadepite bayobowe na Hon.Mukabikino Jeanne Henriette rwakomeje nk'uko byari biteganyijwe basura ibikorwa bigamije guteza imbere abaturage mu mirenge ikurikira:

Umurenge wa RUSEBEYA: abadepite basuye ibikorwa binyuranye birimo G.S Mungoti baganira n'ubuyobozi ku kunoza isuku, gahunda yo kugaburira abana ku ishuri, Poste de Sante ya Mungoti, gahunda ya Girinka, aho abaturage bibukijwe kwita ku nka baba bahawe,

Bakiri muri uyu murenge, Abadepite bashimye icyumba cya masenge basanze kuri GS Mungoti, Koperative ikora ibikoresho mu migano, imikorere n'isuku y'Umurenge Sacco.

Umurenge wa NYABIRASI: abadepite basuye ibikorwa bikurikira: Poste de sante ya Bukanda, abadamu bahabwa inyigisho ku mirire no kuboneza urubyaro n'umushinģa wa Swiss Tropical Public Health Institute binyuze ku idini ry'Abadiventiste, hasurwa Cooperative KOABUNYA, igihingwa cy'inkeri n'ibirayi. Mbere yo gukorana inama n'abaturage mu Kagari ka Terimbere hasuwe Sacco ya Nyabjrasi, servisi za BDF n'ikusanyirizo ry'amata rya MUBUGA.

Umurenge wa Mukura: abadepite basuye Umurenge Sacco, Poste de sante. Basuye umuturage wahawe amafaranga muri gahunda yubudehe witeje imbere. Basuye na centre ya rambura. Nyuma ya saa sita baganiriye nabaturage ku biro byakagari ka Kagano.

Muri rusange, ibiganiro byatangiwe mu nama zahuje abadepite n'abaturage, abaturage bakanguriwe gukomeza kugira umuco w'isuku, kuboneza urubyaro, kurwanya imirire mibi no gukumira no kurwanya amakimbirane mu muryango. Abaturage bishimiye uruzinduko rw'intumwa za rubanda, bavuga ko bibafasha kumva ko Leta ibazirikana.